ODD – Usa nga lalaki ha Argentina an nakakuha hin world record mahuman nga makakadto ha 152 nga magkadurudila-in nga irinuman ha Buenos Aires ha sakob la han 24 ka-oras!
Hi Martin Perez in gintudlok kumo bag-o nga Guinness World Records title para ha “Most pubs visited in 24 hours.”
Ha rules nga iginpresentar han Guinness para ha nasabi nga titulo, diri kinahanglan ni Martin nga uminom hin makahurubog nga irimnon ha kada bar nga iya kakadtu-an mahitungod nga bisan ano nga irimnon in puydi orderon basta sakto la an kadamo.
Para makuha an titulo, mahugot an nagin pag-aandam ni Perez kun diin nagrenta hiya hin sarakyan, nagdara hin mga testigo, ngan notaryo para ig-validate an kada bar nga iya ginkakadtu-an, ngan gin-upod gihapon niya an usa nga lokal nga opisyal han syudad.
Ginhimo ni Martin an ayat diri la para makaghipatik hin world record, kundi para igpakita nga puno hin kali-awan ngan kolor an night life han ira lugar.
Nahuman niya an challenge ha sakob han igintudlok nga oras ngan lumapos pa hi Martin ha anay rekord nga 120 nga irinuman.
