-- Advertisements --
TACLOBAN CITY — Patay na han makit-an han mga katawhan an usa nga driver ha mismo ginmamanihoan hini nga tricycle ha kalsada han Sitio caliro, brgy. 94-Tigbao, siyudad han Tacloban.
Ginkilala an biktima nga hi Carlo Rudy Del Rosario y Amparado, 51 anyos an pangidaron ngan residente han Brgy. 85 San Jose han mao nga siyudad.
Naka angkon hin buno ha wala nga parte han dughan an mao nga biktima.
Sumala kan Kapitan Lito Navarra han Brgy. Tigbao, nga waray hira lead ha mao nga panhitabo mahitungod nga waray pa kataod an CCTV ha ira barangay.
Gintutuuhan naman nga ginbuno hi Del Rosario han iya la ngahaw pasaheros.
Padayon naman an ginbubuhat nga imbestigasyon han mga kapulisan kun anu an hinungdan ngan kun hino an ada ha luyo han mao nga panhitabo.
