NATIONAL NEWS- Nagpahayag hin bug-os nga suporta an pinakadako nga political party ha Kongreso na Lakas–Christian Muslim Democrats (Lakas–CMD) para kan Pangulong Ferdinand Marcos Jr. ngan ha iya administrasyon.
Ine in ha butnga han mga alegasyon ni anay Ako Bicol Party List Representative Zaldy Co kontra ha Pangulo nga daw nagmando ha pagsingit hiton P100 bilyon nga kantidad ha 2025 national budget ngan mga isyu kasumpay ha imbestigasyon ha flood control anomaly.
Subay ha Partido, nga an ira basaran in balaod, ebedinsya ngan kamatuoran ngan dire mga chismis o pamumulitika.
Ginpunto han Partido nga an mga alegasyon in angay batunon hin insakto ha forum.
Ginpaangit pa han Partido nga agsob igpaangbit han Pangulo an pasensya hine, pagigin abre ngan pagrespeto ha lehitimo nga budget procedures.
Nagpahayag gihapon ine hin kaandaman ha tanan nga miyembro han Lakas-CMD nga makikipagbinuliga anuman an himuon nga legal nga imbestigasyon.
