-- Advertisements --
Ginkakabarak-an nga namatay an sobra 500 ka-tawo mahuman lumunod an duha nga bangka ha baybayon han Myanmar ha mga nakalabay nga adlaw sumala ha notisya han mga ahensya han United Nations.
Nawarayan hin kontak an siyahan nga bangka mahuman lumakat ng amay sakay nga sobra 250 ka-tawo.
Gintutuohan nga lumonod naman an ikaduha nga bangka ha parte han Ayeyarwady coast ha Myanmar nga may dara 280 ka-pasaheros kun diin, sakay han duha nga mga barko in mga refugee tikang ha minorya nga Rohingya Muslim.
Sumala ha UN High Commissioner for Refugees ngan International Organization for Migration, bumiyahe an mga bangka ha gawas han regular nga “sailing season” kun diin, malain ngan delikado yana an nasabi nga kadagatan.
