Nagpahimatngon hi Senator Panfilo “Ping” Lacson nga poisble mahingadto ha usa nga constitutional crisis an impeachment trial ni Vice President Sara Duterte kun magkakamay-ada hin kakulangan ha ihap han mga senator-judges mahitungod ha posible nga preventive suspension o pagkakadetine han pira nga senador kasumpay han imbestigasyon ha iregularidad ha mga flood control projects.
Mahitungod hini, ginsuhestyon ni Lacson nga pag-adman an posibilidad nga tugutan tumanon han mga suspendio o nakadetine nga senador an ira trabaho kumo senator-judges ha impeachment court, bisan kun temporaryo hira nga dire nakakapagtrabahpo kumo mga magbabalaod.
Ha usa nga pahayag, gin malatumat ni Lacson nga bisan man kun uusa an komposisyon han Senado ngan han impeachment court, posible magkamay-ada hin legal nga interpretasyon nga magkaiba nga entidad an duha nga institusyon.
“Kung hiwalay na entidad ang impeachment court at Senado, maaaring ang suspensyon ay sumasaklaw lamang sa kanilang tungkulin bilang senador at hindi bilang senator-judge,” sumala kan Lacson.
Igin eksplikar niya nga kun umabot ha siyam nga senador an masuspindi o mapreso, 15 nala an masasalin nga membro han impeachment courts. Ha ilarom han Konstitusyon, kinahanglan an botos nga 2/3 han ngatanan han senador, o 16 nga botos, agud masirotan an usa nga opisyal ha impeachment proceedings.
Sumala kan Lacson, kun tutugutan han hukuom, pwede umatander ha mga pagdungog an mga nakadetine nga senador ha ilarom han mahugot nga pagbabantay han mga tawuhan han Bureau of Jail Management and Penology (BJMP).
Usa gihapon ha mga nakikita nga opsyon han senador an temporaryo nga pagdedelatar ha impeachment trial kutob ha mahuman an 90-kaadlaw nga preventive suspension han mga maapektaran nga senador.
Ginmalatumat hini nga importante nga mapag-istoryahan na dayun an mga sugad nga posibilidad agud magkamay-ada hin suprisyene nga panahon an mga legal nga eksperto nga panginanuon an mga implikasyon hini ugsa paman mahitabo an nasabi nga sitwasyon.
Samtang, ginbaribaran naman ni Lacson an pahayag ni anay Senate President Alan Peter Cayetano nga pwede ig-ubos an 12 an kinahanglan nga ihap han botos para ha conviction o acquittal ha impeachment trial.
Gintagan-duon han senador nga klaro an gintudlok han Konstitusyon nga kinahanglan an botos nga 2/3 han ngatanan han membro han Senado agud masirotan an usa nga opisyal nga ginsisirotan ha impeachment court.
