Pormal na nga magbubul-iw ha pwesto hi Senate President Pro Tempore Panfilo Lacson kumo Chairman han Senate Blue Ribbon Committee, nga amu an naghihingadaya ha mga maanomaliya nga flood control projects ha nasud.
Ha usa nga pahayag, igin eksplikar ni Lacson nga an iya desisyon in basar na gihapon ha iya mga nahibabatian nga komento tikang ha iya mga kaupod ha senado ngan pag-aalang han mga ine ha iya pagmamangulo han komite.
Daw, mahitungod nga ngatanan han mga tag-mangulo han mga komite in iginhurar han iya mga kaupod, in magseseri daw hi Lacson subay ha karuyag han mga igkasi senador.
Kun damo na daw an nagpahayag han pagkadismaya ha kun patiunan-o niya pagmanguluhan an komite, in ine na daw an oras agud magbul-iw na, ngan ig hatag ha iba nga membro han Senado nga ha pagkita nira ine akos kaptan an pagdungog hin mas maupay.
Duon pa hine, waray anuman nga mga kritisismo tikang ha mga netizens ngan magin tikang ha partisan sectors an pwede makaipit ha iya nga buhaton an iya trabaho kumo chairperson han komite, pero kun kalugaringon na ngani niya nga kaupod an magtikang pagsukna han iya pagpadalagan in mas maupay daw nga bumul-iw nala.
Samtang, ha kaluyo naman han nasabi nga mga pahayag in nagdig-on hi Lacson nga dire hindi nahuhuman an iya trabaho nga atuhan an korapsyon tikang ha bulok nga sistema ngan pan-aabuso ha pondo han nasud.
