NATIONAL – Andam hi Senator Ping Lacson nga igpalit hin ticket an iya usa ka-bulan nga pensyon kumo retirado nga four-star police general, enkaso nga madayon an boxing match ha butnga nira PNP Chief General Nicolas Torre III ngan Davao City Vice Mayor Baste Duterte.
Sumala kan Lacson, bisan diri ini an pinaka-eksakto nga pitad, personal nga desisyon ini ni Torre, diri kumo hepe han PNP, kundi kumo pribado nga indibidwal nga naka-eksperyensya hin insulto ngan ayat ha atubangan han publiko tikang ha bise alkalde han Davao.
Dugang pa han senador, dako iton posibilidad nga madadayon an suntukay mahitungod nga subay ha usa nga reliable source, mayda usa nga CEO hin kilala nga casino hotel an andam nga igpagamit an ira ballroom para ha charity boxing match nira General Torre ngan Vice Mayor Duterte.
