Nahipatik han Philippine National Police (PNP) nga umubos hin 20.6% an crime rate ha Pilipinas ha nakalabay nga sobra tulo kabulan tikang han ginlunsar an Safer Cities Initiative.
Sumala kan PNP Public Information Office chief Col. Allen Rae Co, bisan man kun mayda magkasusrunod ngan nag-viral nga krimen di pala maiha, ginpamatud-an han opisyal nga statistics nga mas talwas an nasud yana kumpara han mga nakalabay nga bulan.
Tikang han Abril 6 kutob Hulyo 4, 2026, umubos ha 7,883 an nahipatik nga focus crimes kumpara ha 9,506 nga kaso dida han nakalabay nga tulo kabulan o tikang han Enero 6 kutob Abril 5.
Kaupod ha mga nahipatik nga pag-ubos in ha carnapping, rape, physical injury, robbery, homicide, theft, ngan murder.
Igin eksplikar han PNP nga an positibo nga trend ih bunga han mga masunod nga mga pitad, an Safer Cities Initiative in panuyo nga pahugton an seguridad ha mga syudad, mas ginpakusog nga pagbabantay ngan presensya han kapulisan ha mga komunidad, paghitaas hin 21.74% an pagdakop han mga nagtatalapas ha mga lokal nga balaod sugad han pag-inom ha pampubliko nga lugar, paggamit hin karaoke lahos ha oras, pagbabaktas hin waray sul-ot nga bado, ngan curfew ha mga menor de edad,
Subay ha pulisya, an pagkaaresto ha mga nagtatalapas hini in nakabulig agud mapugngan an mga mas duro nga krimen ugsa paman ini mahitabo.
Gin amin han kapulisan nga mayda mga makarima-dima o kapansin-pansin nga krimen nga nahitabo dida han mga nakalabay nga adlaw nga malaksi nagsarang ha social media.
Sugadman, gintagan-duon han PNP nga dire hini ginsasalamin an pankabug-usan nga sitwasyon han nasud mahitungod nga an kabug-usan nga datos in padayon nga naubos.
