TACLOBAN| Ginsirotan nga ‘guilty’ ha ‘simple misconduct’ han Korte Suprema an abogado nga hi Atty. Jesus Falcis matungod ha bulgar na mga pulong hine nga ginbul-iwan ha social media post.
Ginsirotan ine han hukom hin usa katuig nga suspensyon ha iya trabaho kumo abogado.
Nag-ugat an kaso han depensaran niya an iya bugto pinaagi han
online post kontra ha akusasyon nga mayda kalabuton ha reklamo nga qualified theft nga ginpasaka ni Kris Aquino.
Ine an nagduso para paghaon hin reklamo hin ‘conduct unbecoming of a lawyer’ an abogado ni Aquino kontra kan Atty. Falcis ha Integrated Bar of the Philippines.
Depensa naman ni Atty. Falcis nga an mga abogado in may katungod ha ‘freedom of speech and expression’.
Ha kaluyo hine, ginpagdig-on han Korte Suprema an desisyon han IBP, ngan nagpalusad hin mabug-at nga sirot.
Ginpahinumdoman naman han Korte Supema an mga abogado nga magin responsable ha pagamit hiton social media.
