ENTERTAINMENT NEWS– Nagpagawas hin arrest warrant an South Bangkok Criminal Court kontra kan Anne Jakrajutatip, anay co-owner ng Miss Universe, mahuman nga waray maka-atinder ha nakatalaan nga pagbasa han iya kaso ha gin-aaligar nga 30 million baht fraud.
Subay ha korte, waray iginhatag nga pag-esplikar an kampo ni Jakrajutatip, sanglit gintutuohan nga lumikay ine ha proseso han balaod.
Ginkasuhan hi Ann ngan an JKN Global Group dmatungod ha panguwat agud nga ma-aghat an usa nga doktor nga mag-invest ha corporate bonds nga dire naman akos bayaran han kumpanya.
Matungod han dire pag-atinder, nagmando an korte nga bawion an piyansa ni Jakrajutatip ngan gintalaan an bag-o nga petsa han iya verdict hearing ha Disyembre 26, 2025.
Nagawas naman ha pira nga mga report nga tumakas ine ha Mexico agud nga likayan an mga obligasyon han JKN.
Manunumduman, hi Anne in nagin istoryahon han publiko mahuman niya paliton an Miss Universe Organization hadton 2023, pero linmusad ine kumo CEO hadton Hunyo samtang naatubang an iya kompanya ha reorganization ngan mga legal issues.
