Natuod hi Akbayan Rep. Atty. Chel Diokno nga dire pa super vital o crucial nga abrihan an green box han Bureau of Internal Revenue (BIR).
Ha presente nga kabutang han impeachment proceedings, dire pa daw ini kinahanglan mahitungod nga poisble gamiton ini kumo rason agud kwestyunon an proceedings ha korte.
Pag-eskpliar ni Diokno, an pagpapatawag ha Anti-Money Laundering Council (AMLC) ngan Bureau of Internal Revenue (BIR) in mahitungod ha dire mae-eksplikar nga karikuhan han bise presidente.
Sakto na daw an mga naigawas han AMLC nga transaction record han mga bangko ni Vice President Sara Duterte ngan an aktwal nga kopya han iya Statement of Assets, Liabilities and Net Worth (SALN) agud pamatud-an nga mayda ini dire mae-eskplikar nga karikuhan.
Manunumduman nga nagkasabot an mga membro han House Committee on Justice dida han Abril 22 hearing nga dire la anay abrihan an nasabi nga box nga nagsusulod han tax records han mag-asawa nga hira VP Sara ngan Mans Carpio.
