Kontaminado nga Tubig, hinungdan han “Diarrhea Outbreak” ha Samar – DOH8
TACLOBAN CITY- Guinkumpirma han pamunuan han Department of Health Regional Office 8 nga may kalabutan ha kontamindo nga tubig an hinungdan han diarrhea outbreak ha probinsya han Samar.
Sumala kan DOH 8 Regional Director Minerva Molon nga kontaminado hin e- coli nga bacteria an surok hin irimnon nga tubig ha pira nga parte han Samar kun diin sobra 200 an naapektuhan han diarrhea ngan upat han mga ini an nahidara pa ha hospital.
Dugang pa han mao nga opisyal nga 80 anyos an pangidaron han pinakalagas nga nadarahigan han diarrhea samtang 1 year old naman an pinakabata.
Mababaruan nga ha upat nga bungto han Samar nakaghipatik guihapon an DOH hin 3 nga kaso hin diarrhea ha Tagapal-an, 17 ha Gandara ngan 12 ha Calbiga.
Gin aaghat naman han buhatan an publiko nga magpakaladkad han tubig nga iimnon ha sakob hin 10 minutos para masigurado nga mamatay an mga kagaw nga nagreresulta hin sakit sugad han cholera ngan magin batasan an paghunaw han kamot ugsa kumaon ngan katapos gumamit han kaselyas.
