ODD – Usa nga kakaiba nga koleksyon han mga bulawan nga sensilyo, nga maiha nga gintago han usa nga namatay nga kolektor ha luyo han pader han iya balay, an di pala maiha nga naisubasta han Beaussant Lefèvre auction house ha Paris ha kantidad nga $4 milyon (P220 milyon).
An mga sensilyo in ginpapanag-iyahan han 89-anyos nga hi Paul Narce, residente han Castillonnès, France. Sumala kan Thierry Parsy, usa nga eksperto ha mga sensilyo, nakakabilib an kalidad ngan kadamo han koleksyon ni Narce, nga umabot ha sobra 1,000 kabug-os han mga kakaiba nga bulawan nga sensilyo.
Kaupod ha koleksyon ni Narce, an mga sensilyo tikang pa han sinauna nga Macedonian Empire (336-323 BC), ngan mga bulawan nga sensilyo tikang ha mga panahon nga nagmangulo hira King Louis XIV, Louis XV, ngan Louis XVI han France. Partikular nga espesyal an mga sensilyo nga ginhimo usa an pagbitay kan Louis XVI dida han 1793.
Waray direkta nga tagapagmana hi Narce sanglit an kita tikang ha pagbabaligya in mahingangadto ha mga distant cousin hine.
Haros dire na madiskubre an koleksyon kun waray la kahibaru-e han notaryo nga nanginano ha mga nahibayaan ni Narce an kasumpay ha libangan hine nga mangolekta hin mga sensilyo, tikang ha istorya han mga taga-Castillonnès.
Mahuman an pamilng ha balay, nakit-an an mga sensilyo nga bulawan kaupod an pira nga importante nga art ha luyo han pader.
