Sumaka ha P2.003 trilyon an kabug-usan nga koleksyon han Bureau of Internal Revenue tikang Enero kutob Hulyo 2026, kun diin nalahusan hini an target nga P1.990 trilyon para ha nasabi nga panahon han P13.53 bilyon o 0.68%.
An pito ka-bulan nga koleksyon in mas hataas gihapon hin P102.60 bilyon kumpara ha kaparehas nga panahon han nakalabay nga tuig, nga nagpapakita hin 5.4% nga year-on-growth.
Sumala kan BIR Commissioner Charlito Martin Mendoza, nga resulta ini han hataas nga compliance han mga tax payers kun diin, umabot na ha 60% an nakolekta han ahensya ha ira kabug-usan nga target yana nga tuig.
Para naman ha bulan la han Hulyo, umabot ha P358.44 bilyon an gross collection han BIR, nga lahos ha monthly target nga P336.07 bilyon han P22.37 bilyon o 6.66%. Mas hataas ini hin P19.41 bilyon kumpara han Hulyo han nakalabay nga tuig.
