ENTERTAINMENT – Gindire han korte an kilala nga celebrity nga hi Tessa Prieto Valdes nga magpagawas hin bisan ano nga negatibo nga pulong kontra ha iya anay nga karelasyon nga hi Angel Chua.
Ha ginpagawas nga kamanduhan han Makati City Regional Trial Court, ginpalusaran han korte hin gag order hi Prieto samtang padayon an pagdungog ha kaso.
Siyahan hini in nangaro hin bulig an kampo ni Chua ha korte ngan ginaprubahan an mosyon nga magpagawas hin gag order matungod ha pagtalapas ha sub judice rule ni Prieto.
Ha ilarum han sub judice rule in gindidire an paghahatag hin bisan ano nga komento o statements ha usa nga kaso, panuyuan hini in maproteheran an integridad han legal process sugad gihapon an katungod han duha nga partido.
Gintalapas ni Prieto an sub judice rule han magpa-interview ini ngan ginpaangbit hini an detalye han kaso.
Samtang, nagpasalamat naman hi Chua ha ginisyu nga gag order han korte para na gihapon ha iya proteksyon.
