Nakig-areglo na an Hollywood actor nga hi Kevin Spacey ha tulo nga kalalakin-an nga nagpasaka hin kaso nga civil sexual assault kontra ha iya ha London hadton 2023.
Bumaribad naman ini nga umatender ha pagdungog mahitungod ha pakikig-areglo.
Syahan na nga igindiwara han Oscar award-winnig actor an nasabi nga alegasyon.
Tuig-2023 han igbasura han korte ha London an siyam nga sexual assault case hini.
Hadton 2020 gihapon in ginbasura han korte an civil case nga ginpasaka han anay child actor nga hi Anthony Rapp.
Manunumduman nga dida han nakalabay nga tuig in ginbuyagyag han aktor nga hiya in homeless ngan nag-uukoy ha mga hotels ngan pira nga Airbnb mahitungod ha dako nga kabaraydan han iya mga kaso.
Iginbutang hini an ngatanan han iya gamit ha usa nga storage ngan naglalaum ini nga makabalik ha normal kun bumalik na gihapon ha normal an sitwasyon.
