TACLOBAN CITY– Nagpagawas hin official statement hi Albuera Leyte Mayoral candidate Kerwin Espinosa, samtang ine nagpapaupay ha ospital hiton Ormoc City, mahuman nga mapusil ha Brgy. Tinag-an, ka kulop han kasagsagan han iya panga-ngampanya.
Sumala kan Albuera Leyte Mayoral candidate Kerwin Espinosa, hiya in ada na ha maupay nga kabutang, ngan mas magpupursige pa hiya nga igpadayon an iya kampanya kumo Albuera Leyte Mayoral candidate ha nasabi nga lugar.
Dugang pa ni Espinosa, dire ine magigin balaong para dire niya igpadayon an kampanya, ngan iya hingyap nga magserbisyo.
Nagtutuo ine, nga usa ine nga tyansa nga ginhatag ha iya han Makagarahom, nga magserbisyo han mga taga- Albuerahanon, ngan sugadman nagtutuo gihapon ine nga magkakamayda hin hustisya an nasabi nga pamusil.
Nagpasalamat naman ine ha iya mga taga-suporta, han padayon nga pag-ampo han mga ine para han iya dayon nga pag-upay.
