NATIONAL–Gitawagan nga ‘misleading’ ni lead counsel ni anay Pangulong Rodrigo Duterte an mga report han midya ha kampanya kontra ha illegal nga droga han administrasyon han anay pangulo.
Ginbuhat naman ni Kaufman an pahayag ha iya opening statement a confirmation of charges hearing han anay Pangulo ha International Cirminal Court (ICC) han Lunes ha The Haugue, The Netherlands.
GInduon han abogado nga ginsobrahan han midya an balita kanit ha kampanya kun diin dire na daw nabubutang an mga panhitabo ha ensakto nga konteksto.
Ginakusar gihapon niya an midya ha paggamit hin mga litrato tikang ha drug war para ha shock value ngan para mapakusog an ira kalugaringon nga istorya.
Pero, nanindigon naman an mga prosecutors ha korte nga hi Duterte in “pivotal” o mayada dako nga pael ha mga pagpatay nga konektado ha kampanya kontral ha mga illegal nga droga ngan ginaghat an ICC nga tugutan an kaso nga pagpadayon ha trial.
Mayada pa kutob 60 ka adlaw an mga hukom han ICC para magdesisyon kun ensakto an ebidensya agud nga igpadayon an kaso ha korte.
