THE HAGUE, NETHERLANDS – Gindepensaran ni lead defense lawyer Nicholas Kaufman hi anay Presidente Rodrigo Duterte kasumpay ha mga namatay dida han “armed confrontations” ha kampaniya kontra iligal nga droga.
Sumala ha defense counsel nga ginbuhat han police force an pitad kumo solusyon ha tarhog ha ira kinabuhi kasumpay ha rules of engagement nga makapira ginmalatumat han anay presidente.
Sumala kan Kaufman, mayda existing contemporaneous documents sugad han arrest warrants, operational record ngan narekober nga mga pusil nga nagpapakita nga lehitimo an mga operaasyon han kapulisan nga umabot ha pagbalyuay hin buto han pusil.
Dugang hini nga an rekober nga pusil ha crime scenes in nagpapakita la nga gingamit an armas kontra ha mga kapulisan nga nagresulta ha paggamit han pwersa.
Ginmlatumat gihapon ni Kaufman an upat ka-indibidwal nga ginaresto hin buhi, nga nagpapakita han dire paggmit hin”indiscriminate force.”
Duon hini nga waray mapamatud-an han Prosekusyon nga “planted” an mga droga ngan pusil ha mga biktima sanglit ginbaribad nira an mga ebidensiya tikang ha crime scene kaupod han pahayag hini nga waray sakto nga ebidensya an prosekusyon.
Samtang dugang pa ni Kaufman an insidente nga direkta nga nagsusumpay ha anay presidente basar ha usa nga voice recognition han usa nga indibidwal nga nabatian hini an phone conversation ngan nakilala an boses han anay presidente kun diin dire ini sakto nga ebidensya ngan kumpirmasyon.
