ENTERTAINMENT – Gin kumpirma han mga tinaglawas nira Katy Perry ngan Orlando Bloom an ira pagbubulah mahuman an pira kabulan nga pagbabag-o ha ira relasyon agud magpokus ha co-parenting han ira anak nga ni Daisy Dove Bloom.
Subay ha ginpagawas nga pahayag han mga celebrity repost ngan nahipatik han People ngan USA Today, magpapabilin nga magka-upod ha publiko an duha kumo mga kag-anak, ngan an ira prayoridad in an pagpadako han ira anak hin may paghigugma, kadig-on, ngan respeto.
Manunumduman nga nagin matunog an chismis han breakup han duha ha kasal ni Jeff Bezos ngan Lauren Sánchez, kun diin umatender hi Bloom hin mag-usaan. Samtang hi Perry naman in busy ha iya world tour.
Nag tikang an relasyon han duha dida han 2016, ngan nagbulag dida ha 2017, pero utro nga nagbalik nga nahingadto ha engagement dida han Valentine’s Day han 2019. Hi Daisy an nag-uusaan nga anak ni Perry, samtang hi Bloom naman in mayda mga anak nga lalaki ha anay asawa nga hi Miranda Kerr.
Hi Katy Perry in usa nga 13-time Grammy nominee nga kilala ha mga hit songs hine nga ”Teenage Dream,” “Roar” ngan damo pa, samtang hi Bloom naman in kilala ha iya papel kumo Legolas ha The ”Lord of the Rings” ngan ”Will Turner” ha ”Pirates of the Caribbean.”
