Comeback is real na ba para ha team KKK?
Nag-bonding hira Katrina Halili ngan Kris Lawrence kaupod an ira anak nga hi Katie ha El Nido, Palawan.
Ha usa nga Instagram post, nagpaangbit hi Katrina hin pahapyaw nga pagkita ha iya tiarabot nga vlog. Kun diin, makikita ha mao nga video an mga clips han iya paglalakat ngan pagdalagan ha baybayon sugad man an pag surat hini ha baras hin MR. B samtang natukar an kanta nga “About You” han The 1975.
Ha kataposan han video, nakit-an an ex-partner hini nga hi Kris Lawrence ha frame.
Samtang, ha usa naman nga lain na post ha social media, in nag-upload hi Kris hin litrato nira ni Katrina mintras aadto ha baybayon ngan naka atubang ha kada tagsa.
Bumuhos naman ini hin “kilig” reactions tikang ha ira mga celebrity friends sugad kanda Yasmien Kurdi, Camille Prats, ngan Iwa Moto, nga parapreho nalilipay para ha duha nga sangkay.
Kaudgan na nga nagkakaupod an anay mag-uyab kaupod an ira anak nga hi Katie.
Samtang, igin silibrar pa ni Katrina an iya kaadlawon kaupod hira Katie, Kris, ngan anak ni Kris nga hi Lyric dida han bulan han Enero.
Ha usa nga vlog dida han Pebrero, igin pa angbit ni Kris nga abre hiya ha ideya nga makig balik kan Katrina kun pareho pa hira nga single afyer 10 years.
Igin anak ni Katrina hi Katie dida han tuig 2012. Kataliwan han duha katuig, nagbulag ini ngan hi Kris.
Dida han tuig 2023, gin pa angbit ni Katrina an co-parenting setup nira ngan ni Kris ha publiko.
