-- Advertisements --
METRO MANILA – Posible nga ideklara na an pagtitikang han kat-sirak ha urhi nga semana han Marso, sumala ha Philippine Atmospheric Geophysical and Astronomical Services Administratio o PAGASA, kaupod ha paghinay han amihan o northeast monsoon.
Sumala ha state weather bureau, huminay na an mahagkot nga hangin amihan, usa nga senyales nga harani na an mapaso ngan dry season. Dugang pa hini, posible na nga ideklara ha mga masunod nga semana an opisyal nga paghuhuman han amihan.
Ha presente, duha nga weather systems an nakakaapekto ha nasud, an amihan ngan an easterlies o an mapaso nga hangin nga tikang ha Pacific Ocean.
Sugadman, ginlalauman nga mae-eksperyensiyahan an mas mapaso nga panahon ha mga masunod nga adlaw ngan semana.
