TACLOBAN CITY — Ginkompirma han Philippine Army’s 802nd Brigade nga waray direkta nga threat hin pag-atake han mga terorista ha sinirangang bisayas.
Sumala kan Brig. Gen. Francisco F. Mendoza, Jr., nga an bugos nga bisayas in nagpapabilin ha Level 1 para ha terror attack kun diin nangangaruyag signgon nga diri kita naatubang ha bisan anu nga terror attack. 
An mao nga pahayag in ginmalatumat ni Gen Mendoza, kataliwan han nagsasarang nga mga fake news nga nakasulod na daw ha rehiyon an mga terrorista nga grupo nga duro nga iginkakabaraka han mga katawhan.
Samtang, labot la ha pagbabantay ha mga isyu han insurgency, an mga kasundaluhan in nakikipag sumpayan na guihapon ha mga kapulisan partikular na ha mga kinada gabi nga mga aktibidad ha siyudad han Tacloban kasumpay han pagsalin-urog han kapiyestahan.
