METRO MANILA – Gintagan-duon han constitutional law book author ngan law professor nga hi Atty. Jeniffer Arlene Reyes nga dire makaka-apekto ha kabug-at han testimonya ni Ramil Madriaga an iya ginkakaatubang nga kaso ngan an iya pagigin detainee.
Ini in kumo baton kasumpay ha paghahatag han Kamara hin hilaba nga oras kan Madriaga ha kaluyo han iya criminal background.
Ginmalatumat ni Reyes, nga gintalaan han balaud han Pilipinas nga tanan nga tawo in puydi magsirbe kumo testigo ha usa nga kaso basat an mga ini in may personal nga kalabutan, bisan ano man an personal ngan criminal background hini.
Duon han abogado, gintagan han korte hin proteksyon ngan supresyente nga oras an mga testigo agud maglahad han ira nababaruan, hin dire ginkwekwestyon an ira background.
Nagdig-on gihapon an abogado nga responsibilidad han defense nga pamatud-an nga sayop o hinimo-himo an mga pahayag han usa nga testigo, han dire na ginpapaagi ha pagkuwestyon ha criminal background ha usa nga witness.
