ENTERTAINMENT – Ginbasura na han Pasay City Regional Court Branch 112 an kaso nga syndicated estafa ngan pagtalapas ha Securities Regulation Code nga ginpasaka kontra ha aktres ngan negosyante nga hi Neri Naig-Miranda.
Ginkumpirma ini han iya abogado ngan basar na gihapon ha post online han iya asawa nga hi Chito Miranda.
Sumala ha korte, an mga private complainants ha nasabi nga kaso in waray gin-uwat han respondent.
Waray gihapon gindoon han mga complainants ha ira reklamo nga nagkamayda hira hin personal nga transaksyon kan Miranda o mayda ginabot nga kwarta.
Doon han korte nga pakyas an mga nagrereklamo nga mapamatudan nga guilty an akusado nga dabi ha estafa particular na ha kaso nga syndicated estafa.
Nagpaabot naman hin pasasalamat hi Chito ha mga nagsuporta ha iya asawa mahuman an nagin isyu.
