-- Advertisements --
ENTERTAINMENT–Ginbasura han korte an kaso nga terrorismo kontra kan rapper Mo Chara agi hin technicality.
Miyembero an mao nga rapper ha grupo na Kneecap, usa nga hip hop trio.
Han Mayo, ginkasohan ini tungod han pag-display hin bandila in pagsuporta ha Hezbollah, usa nga Lebanese Shia Isalamist political party.
Nahitabo ini ha ira concert ha O2 Forum ha London, Nobyembre han naglabay nga tuig.
Sinalikway han rapper ini nga akusasyon, ngan nagsiring na pamumulitika la daw an mao nga kaso.
Nakit an han abogado na waray ini ginpasa ha sulod hin 6 ka bulan na time limit.
Dugang naman han rapper diri la adto para ha iya pero para ha mga mulopyo han Gaza.
