TACLOBAN CITY– Sumaka na ha 430 an kaso hiton Human Immunodeficiency Virus (HIV) ha metro Tacloban tikang ha 411 cases han nakalabay nga tuig.
Sumala kan STD/HIV Aids Coordinator, Mula Garcia, an nasabi nga ihap in subay ha iginpadara ha ira nga datos nga may petsa nga Setyembre han presente nga tuig.
Dugang pa hine, purluminos 30 nga indibidwal an nahidugang ha nasabi nga sakit.
Samtang padayon pa nira ginpapamulat an datos para han Oktubre-Disyembre yana nga tuig.
Ada naman ha 15-anyos an pinakabata nga natapnan han nasabi nga sakit, samtang sobra 30 -anyos naman an pangidaraon an may pinaka damo nga nahipatik nga positibo han HIV.
Kaurugan nga nagpopositibo ha sakit nga HIV in mga kalalakin-an, partikular na adton nakikipaghilawas ha igkasi lalaki.
Mababaruan nga an sakit nga HIV in dire na natatambal, pero napupugngan ine nga dire magin grabi an epekto hine ha panlawas an sa ng indibidwal pinaagi hiton mga tambal.
