TACLOBAN CITY – Umabot na ha 391 nga mga kaso han Cholera an naitatala han Department of Health Eastern Visayas, as of January 28, 2023 nga kun diin, mayda na ini 2 nga nahipatik nga naawat an kinabuhi, kumpara han tuig 2022 nga mayda la hira nahipatik nga maabot ha 197 nga mga kaso.
Basar ha datos, in ha sulod han 391 nga mga kaso, in usa an kumpirmado tungod nga an sample hini in nascreen han culture and sensitivity, samtang an usa naman in tungod nga nagkaada la ini hin tahap mahitungod nga nagpakita hin mga sintomas han cholera.
Sumala kan Jelyn Lopez-Malibago, Information Officer hitun Department of Health Regional Office 8, nga posible nga rason han pagdamo han mga cholera cases ha rehiyon in mahitungod han pag inuran han mga nakalabay nga semana.
Lakip ha mga sintomas han cholera in an masukot nga pagsinuka, diarrhea ngan dehydration.
Gin aaghat han buhatan panlawas nga lasuon anay hin maupay itun tubig nga iimnon para liwat masigurado nga talwas an ini inumon.
Padayon gihapon an ira panawagan ha publiko nga bantayan gihapon an mga WILD diseases o kun Water-borne infectious diseases, Influenza, Leptospirosis, ngan Dengue kay diri la an COVID-19 an sakit nga angay bantayan.
