TACLOBAN CITY – Humamubo hin 5% an ihap han kaso han teenage pregnancy nga nahipatik ha rehiyon dida han nakalabay nga tuig.
Sumala kan Reyan Arinto, Information Officer hiton Commission on Population and Development Region 8, basar hiton National Demographic in Health Survey dida han nakalabay nga tuig, umubos an ihap han mga nagbuburod nga kababayin-an nga ada ha 15-anyos ngada ha 19-anyos an pangidaron.
Ginkabarak-an naman nga maghitaas utro an nasabi nga ihap, han magtikang an pagbalik ha normal an mga klase ha eskwelahan.
Nahibalik na manggud an interaksyon han mga kabataan ngan nauso an mga ine ha mga meet-ups kun diin kaurugan nga nahitatabo an mga unplanned sexual activities.
Samtang, gin aghat naman ine an mga Local Government Units nga igpromote an Adolescents, Sexual, and Reproductive Health Program sugad han pagtindog han mga adolescents-friendly health ha mga barangay ngan iskuylahan nga iba pa nga makakabulig ha paglikay ngan pag iban han timprano nga pagbuburod.
