TACLOBAN CITY – Usa nga kaso han pagpakamatay an nahipatik ha Brgy. Anibong Julita, Leyte.
Sumala kan PSSgt. Brian Macaso, Duty Investigator hiton Julita Municipal Police Station, problema ha pamilya ngan kamingaw ha iya anak pira han rason hasn pagpapakamatay hiton biktima.
Ginkilala an biktima kan Augosto Apejas,. 68-anyos an pangidaron ngan resident han nasabi nga barangay.
Basar han imbestigasyon han mga kapulisan, mayda na daw syahan nga pagprubar han pagpakamatay an biktima kun diin nagyakan ine nga kukuhaon niya an iya kalugaringon nga kinabuhi kun dire umuli tikang ha Manila iton iya anak. Ha syahan daw nga pagprubar hine in nasaway ine han iya apo ngan gin sagdunan nga dire magbuhat hin sugad. Ha ikaduha naman hine nga attempt in nahikit-an nala ine han iya apo nga nakabitay ha iya kalugaringon nga panimalay gamit an usa nga nylon rope.
Waray naman nakikita nga foul play an mga kapulisan ha nahitabo nga insidente.
