-- Advertisements --
TACLOBAN CITY – Ginpahayag han IATF Catbalogan nga nagtitikahamubo na iton ihap han mga positive cases ha ira siyudad.
Sumala kan Reign Muñoz, IATF Catbalogan City Spokesperson, kontrolado na ha pagkayana an COVID cases ha ira lugar ngan dayon nga natutudlok an mga gintitikangan han mao nga virus.
Samtang, nagdumara naman hira hin swab testing ha masobra 600 nga mga vendors ngan tindera ha Catbalogan City Public Market nga usa ha mga gintudlok nga gintikangan han COVID-19.
Ha masobra 600 nga mga ginpailarom ha swab test 19 la dinhi an nagpositibo ha mao nga virus ngan yana in nagpaka isolate na.
