TACLOBAN CITY – Ginkakabarak-an han mga residente han magkalain lain nga estado han US ha posible nga kasamok nga manabo ha adlaw hiton piniliay matungod ha mahugot nga gitgittay han US Presidential election.
Sumala kan Nikki Guanco, han Lake shore Drive Chicago Illinois USA,ginlalauman mangud nga kun magdaog hi US President Donald Trump in posible nga magkasaramok labi na ha estado han New York,Chicago ngan California matungod nga damo an nangangalas ha pamamalakad han mao nga Presidente.
Posible naman daw gihapon nga magkasarabot kun hi Presidential Nominee Joe Biden an magdaog.
Una naman daw nga nagpahayag an mga kapulisan nga nakaandam na hira ha posible manabo nga election day protest.
Mababaruan nga damo mangud an nangangalas ha pamamalakad ni US President Donald Trump labi na ha mahinay hine nga paghatag hin kabatonan ha problema ha COVID-19 nga ginkukumpara naman ha madagmit nga aksiyon ni anay Vice President Joe Biden kaupod an anay US President Barack Obama ha pagbutho liwat han AH1N1 virus.
