TACLOBAN CITY – Padayon nga nakakaavail an mga kabulig o kasambahay pinaagi han Kasambahay Program han PhilHealth Region 8.
An Kasambahay Program in an programa nga ginhatag han gobyerno pinaagi han PhilHealth Circular No. 16. s.2015 nga naghahatag hin bago nga mga polisiya han pagbabayad han kontribusyon han mga kasambahay pinaagi han Individual Kasambahay Payment Scheme o kun IPSK nga mayda panibago nga mga benefits an pwede nga ma-avail han mga kasambahay.
Ha mao nga kamanduan, in kun an sweldo han usa nga kasambahay kada bulan in ubos ha P4,999.99 in waray babaydan an personal share, pero an Employer share naman in mabayad hin P200.00 nga nagbubutang ha P200.00 an Monthly Premium contribution han usa nga kasambahay.
Kun P5,000- P8,999.99 an Total Monthly Premium in P200.00 gihapon pero an magtutunga an employer ngan an kasambahay, kun P9,000.00- P9,999.99 naman in an total Monthly Premium contribution in aada ha P225.00 nga kun diin, an babaydan han personal share ngan employer in aada ha tag P112.50.
Sumala naman kan Acisclo Militante – Division Chief hiton Field Operation hiton PhilHealth RO8 nga importante manggud kaduro nga tanan nga mga Pilipino in miyembro ha PhilHealth labi na adtun mga Kasambahay nga para mayda nira makukuha nga benepisyo kun ha takna nga pagkinahanglanon inin nira.
