TACLOBAN CITY – Pwedi na nga maagi-an hin mga light vehicle ha Brgy. Cuatro de Agosto, Mahaplag, Leyte kun diin nagkaada hin landslide kakulop nga adlaw matungod han Bagyong Vicky.
Dayon daw nga pumakadto ngan nagovertime hin trabaho an Department of Public Works and Highways (DPWH) para magdumara hin clearing operation ha lugar.
Sumala kan Pol.Capt.Rodulfo Renomeron hepe han Mahaplag,Leyte, nga ginkabkaban hin tuna an dapit han bukid para maagian han mga sarakyan.
Nakastandby daw gihapon an DPWH ngan an mga ekipahe hine agud nga dayon hawanan an anoman nga makaurulang ha kakarsadahan.
Mayda daw gihapon mga kapulisan nga nagbabantay ha area para pugngan an mga heavy equipment nga umagi ha lugar.
Labot la hine in naibalik na gihapon an linya han kuryente ha mao nga bungto.
