SPORTS NEWS – Nakab-ot ni Karl Eldrew Yulo an iya gisyasyahani nga gold medal ha seniors level mahuman manguna ha floor exercise han FIG Artistic Gymnastics World Cup Series ha Antalya, Turkey dida han Sabado, Marso 14, 2026.
Nagpasikat an 18-anyos nga gymnast mahuman makakuha hin 14.100 points ha final round, kundiin nakakuha hiya hin 5.3 ha difficulty ngan 8.8 ha execution.
Nag ikaduha naman hi Eamon Montgomery han Ireland nga may 13.833 points para ha silver medal, samtang nakuha naman ni Rayderley Zapata han Spain an bronze mahuman makakuha hin 13.333 points.
Ugsa pa man hini in natapos ni Karl Eldrew an ika-upat nga puwesto ha qualification round ugsa pa man magpakita hin makusog nga performace ha finals. Una na gihapon nga nagpakita hin maupay nga performance hi Yulo ha World Cup leg ha Baku, Azerbaijan kundiin, nakasulod ini ha finals han floor exercise ngan horizontal bar.
Mababaruan nga hi Karl Eldrew in manghod ni two-time Olympic champion Carlos Yulo.
