TACLOBAN CITY – Padayon an pangadaman han mga kapulisan ha Sinirangan Bisayas agud masiguro nga magigin talwas ngan patas an pagdumara hiton eleksyon ha maabot nga Mayo 9.
Sumala kan PBGEN Bernard Banac, Regional Director han PRO 8, padayon an ira koordinasyon ha iba iba nga ahensiya hiton gobyerno sugad nala ha Armed Forces of the Philippines, Comelec ngan mga opisyales han local government unit para panghimangrawan an pagmintinar ha seguridad han eleksyon.
Mas ginpahugot pa daw nira an ira mga checkpoints agud nga waray matabo nga bayolente nga insidente ha rehiyon nga mayda kalabutan ha piniliay.
An mga naglabay daw nga mga insidente hin panmumusil ha probinisya ha Samar in Criminality related ngan diri daw politically related.
Gin amin naman ni Banac nga dako nga ayat an presensiya han privatre armed group ha rehiyon pero waray pa ini direkta nga epekto ha tikahirani nga eleksyon
Sisiguruhon gihapon han mga kapulisan nga diri makakaulang an mga PAGs ha talwas ngan mahimyang nga pagdumara hiton eleksyon
