TACLOBAN CITY– Ospital an gindangatan han usa nga Kapitana ha syudad, mahuman ine nga pusposan hin helmet han iya usa nga residente han Brgy. 43-A Quarry Tacloban.
Ginkilala an Kapitana kan Hon. Evelyn Magalona, Chairman, Brgy. 43-A Tacloban City.
Subay ha pakikipaghimangraw han Bombo Radyo Tacloban kan Kapitana, tungod han AKAP ngan TUPAD an rason kun kay-anu nabuhat han iya residente an pagbunali ha iya.
Ha nagin salaysay han Kapitana, nagtinambayon anay ine ha gawas han ira balay ngan dumaop ha iya, ngan dayon hiya nga ginbunalan hin helmet, kahuman in ginpitlok pa an biktima, kutob nga mayda maka-kita nga iba nga residente ngan ginbuligan an nasabi nga opisyal.
Dungang pa niya, nga an nagkastigo ha iya in lakip ha lista pero under validation pa ine.
Hapagkayana in aadto pa ha hospital an nasabi nga opisyal, ngan nag-papaupay, sugadman plano hine nga magpasaka hin kaso ala-kontra ha nasabi nga residente.
