TACLOBAN CITY- Patay an usa nga kapitan mahuman ine nga pagpusilon ha Brgy. Mataloto, Leyte-Leyte.
Sumala kan PCpt. Junriel Rosario, Chief of Police,Leyte Leyte Municipal Police Station, nga an biktima in sakay hiton single-motorcycle, pauli na ine han pamumusilon hiya han suspek nga nagbabaktas, nga kadungan niya ha nasabi nga dalan.
Nakag-angkon an biktima hin igo ha ulo, ngan sugadman ha iya lawas, kun diin ine an gintutuohan han iya dayon nga kamatayon.
Manunumduman, una na may nahipatik nga pamatay ha nasabi nga lugar, kun diin han tuig 2023 ginpatay gihapon an kapitan han nasabi nga barangay, ngan ha kaparehos gihapon nga tuig ginpamumusil gihapon an Brgy. Treasurer han mao nga lugar.
Ha pagkayana, padayon pa an gindudumara nga imbistigasyon han mga otoridad kasumpay han nasabi nga pamatay.
