Iginduduso ni Senator Erwin Tulfo an Senate Bill 1876 nga panuyo himuon nga krimen an kapabayaan ha mga proyekto han gobyerno nga dire nakakaabot ha igintalaan nga standard han kalidad.
Gintagan-duon ni Sen. Erwin nga an mga pampubliko nga imprastraktura in ginpopondohan tikang ha buwis han mga residente sanglit angay la nga masigurado an katalwasan, kadig-on, ngan kalidad han mga ini.
Dugang pa han senador, an mga depektibo nga proyekto han gobyerno in nagdudurot hin pagkarag ha pondo han gobyerno, kadelikaduha ha kinabuhi, pagkadelatar han pakabuhi, ngan pagkawara han pagtapod han publiko ha mga institusyon han gobyerno.
Ha ilarom han panukala, klaro nga tutudlukon an pagbaton ngan sirot para ha mga opisyal han gobyerno, kontratista, inhenyero, ngan iba pa nga dabi nga mapapamatud-an nga nagpabaya han ira trabaho.
Oras nga mahimo ini nga balaod, an mga mapapamatud-an nga nagtalapas in maaatubang hin sirot nga pagkapreso hin unom ngada ha 12 katuig o multa nga dire maubos ha P10 milyon.
