NATIONAL – Umabot na ha P3.3-B an kantidad han ginbayaan nga danyos ni Severe Tropical Storm (STS) ‘Kristine’ ha kabug-usan nga 38,333 nga iskuylahan ha Pilipinas, an naapektaran syubay ha Department of Education (DepEd).
Ha partial data han DepEd, maabot ha P2.7-B an pag-reconstruct han mga naapektaran nga classrom ngan kadugangan nga P680 million para naman ha major repairs han mga ine.
Subay pa ha ahensya, ada ha 2,700 nga classroom an apektado han bagyong Kristine, samtang 1,361 naman an iba pa nga gin aalegar nga damage mahitungod hine in apektado an ada ha 19.4 million nga istudyante ngan 786,726 nga mga magturutdo ngan non-teaching personnel.
Ada ha 1,047 pa manggud nga mga iskuylahan an gingagamit kumo evacuation center para ha mga naapektaran han bagyong Kristine.
Igin pailarom naman an ada ha 861 nga iskuylahan kumo secondary hazards nga naapektaran han pagbaha ngan pagparik han tuna.
