Nakaandam an kampo ni Vice President Sara Duterte nga atubangon an mga akusasyon kontra ha iya ha nagpapadayon nga impeachment trial.
Ini in mahuman magtikang magpagawas hin subpoena an Senate impeachment court agud kuhaon an pira nga bank ngan tax records han bise presidente.
Sumala ha tagapagyakan han defense team han Bise Presidente nga hi Atty. Michael Poa, dire hiya balabag ha pamiling han kamatuoran.
Karuyag la nira nga masigurado nga an ngatanan han pitad in nasusubay ha Konstitusyon, nagpapadayon nga balaod, ngan mga aludayday han korte.
Dugang pa ni Poa, ginlalauman na nira an posibilidad nga tugutan han impeachment court an pagkuha han mga dokumento. Sumala pa hini, andam gihapon hira pamatud-an nga waray basaranan an alegasyon han unexplained wealth ni VP Sara.
Kaupod ha mga ginpadad-an hin subpoena an Bureau of Internal Revenue (BIR), Anti-Money Laundering Council (AMLC), ngan pira nga bangko.
Kutob Hulyo 30 an gintalaan nga deadline agud igsumite an mga gin aaro nga dokumento han impeachment court.
Temporaryo naman nga ig uugsod an pagdungog han impeachment trial mahitungod ha pangandaman para ha State of the Nation Address ni Presidente Ferdinand Marcos Jr.
Manunumduman nga naatubang ni VP Saa ha impeachment mahitungod ha mga alegasyon han culpable violation of the Constitution, graft and corruption, betrayal of public trust, ngan bribery.
Syahan naman na nga gindiwara han iya kampo an mga alegasyon.
