Ginhangyo ni Vice President Sara Duterte nga Senate Impeachment Court nga ibasura an Articles of Impeachment kontra ha iya, nga ginduon niya nga may “fatal constitutional, procedural, and substantive defects.”
Ha usa nga halaba nga baton nga ginsumite han iya mga abogado ha Senado dida han Lunes, Hunyo 1, ginmalatumat ni Duterte nga waray ha aludayday han Konstitusyon an reklamo ngan kinahanglan ini ibasura.
Ha usa nga pangunahon nga argumento han kampo, in an pagtalapas ha otoridad han House Committee on Justice, mahunman ini magdumara hin gintatawag nga “mini-trial” ha pagdungog han kaso.
Sumala pa ha depensa, an Kamara la an may kapas nga mag-tikang han impeachment proceedings, samtang an Senado an may responsibilidad nga magdumara hin pagdungog ngan magdesisyon ha kaso.
Labot la hini, pakyas an Articles of Impeachment nga pamatud-an an bisan ano nga basaranan ha konstitusyon agud mapamatud-an nga an Bise in nakasala sugad hiton culpable violation of the Consitution, bribery, graft and corruption, high crimes, o betrayal of public trust.
