NATIONAL–Syahan nga sumalang an depensa ha ikatulo nga adlaw han confirmation of charges hearing kontra kan anay PAngulong Rodrigo Duterte ha International Criminal Court (ICC) Pre-Trial Chamber I yana nga adlaw, ika 26 han Pebrero.
San-o nga gintikang an presentasyon han defense, ginklaro ni Atty. Nicolas Kaufman, lead counsel han anay Pangulo, nga waray hira gintatalapas nga hinoman nga indibidwal ngan dire nakadirekta an ira mga kritisismo ha mga kapamilya han mga biktima nga presente ha gallery han ICC, kundi, nakasentro la ine ha Documents Containing Charges han Prosekusyon.
Gintagan gihapon hin duon ni Kaufman nga dire papel han depensa nga maghatag hin alternatibo nga naratibo o maghatag hin eksplinasyon ha facts ngan figures nga ginrpesenta han prosekusyon.
Gineksplikar gihapon ni Kaufman nga an papel han depensa in an pagaghat ha mga ICC judges nga dire dapat magpabilin nga nakapriso an anay Pangulo ha mga masunod nga tuig mahitungod ga waray substantial grounds nga mapapakita han prosekusyon para igeksplikar han anay Pangulo an ginaakusahan nga krimen kontra ha iya.
Gintudlok gihapon ni Kaufman an nagin pahayag han prosekusyon nga bisan nga waray an mga statement han anay Pangulo, mayada la gihapon ensakto nga ebidensya hin substantial grounds basar ha iba nga ebidensya.
Pero, ginkontra ine han lead defense counsel ngan ginduon nga papamatudan nira nga an mga ebidensya in dire substantial ngan dire ensakto.
