Nanindugan an kampo ni anay House Speaker Ferdinand Martin Romualdez nga waray basaran para ini in kasuhan han Ombudsman kasumpay ha maanomalya nga flood control projects mahitungod nga waray credible witness kontra hini.
Pahayag ini han abogado ngan spokesperson ni Romualdez nga hi Atty. Ade Fajardo dida han bumaligtad o ginbawi han nauna nga salaysay an 32 nga mga anay testigo kaupod an star witness nga hi Orly Guteza.
Duon ni Fajardo, ginbawi na han mga testigo an ira alegasyon kan Romualdez sanglit ginhahangyo nira ha buhatan han Ombudsman nga ibasura an mga reklamo kontra ha anay speaker.
Sumala pa kan Fajardo, bisan hi anay Public Works Sec. Manuel Bonoan o hin-o man nga district o assistant engineer o bisan hin-o nga personel on-ground ngan contractor in dire gintutudlok hi Romualdez nga may kalabutan ha bisan ano nga proyekto may paghisumpay ha flood control.
