NATIONAL NEWS– Nag-esplikar hi Atty. Gabriel Villareal, lead counsel ngan tagapagyakan ni Charlie “Atong” Ang, nga temporaryo hiya nga dire maatubang ha media agud nga dire maapektaran an mga legal nga pitad para ha iya kliyente.
Sumala kan Villareal, magpapagawas nala an iya opisina han opisyal nga pahayag kun kikinahanglanon agud nga maghatag hin update ha kaso.
Dugang pa hine nga yana nga adlaw magsusumiter hin depensa hi Ang ha Omnibus Motion agud nga igpawaray kapas an warrant of arrest nga iginpagawas han korte ha Laguna kasumpay han pagkawara han mga sabungero.
Naglalaom an kamopo ni Ang nga dayon magkakamayda hin hearing an korte ha ira mosyon ha masunod nga semana.
Gindig-unan gihapon hine nga gindagmit an pagpapagawas han arrest order ngan tumalapas ine ha katungod han iya kliyente matungod nga kulang hiton impormasyon nga iginhatag han Department of Justice.
Ginsigurado naman ni Villareal nga gin-tatagan niya hin importansya nga mabatian an kampo ni Ang ngan magigin abre hiya nga batunon an mga panginahanglan han iya kliyente.
