-- Advertisements --
NATIONAL NEWS– Nagbug-os na an Kamara hin impeachment Secretariat nga maghahatag hin technical ngan administrative support ha 11-man House prosecution team ha impeachment trial ni Vice President Sara Duterte.
Ine in subay ha Memorandum Order 19-1006 nga ginpagawas ni House Secretary General Reginald Velasco.
Ginpaangbit ni Velasco, nga importante an papel han impeachment Secretariat para para maghatag han mga kikinahanglanon nga logistical, research ngan documentation support ha House prosecution team.
An impeachment Secretariat in ginbubug-os han mga tinaglawas tikang ha Office of the Secretary General, Office of the Sergeant ngan Arms, Legislative Operations Department, Legal Affairs Department ngan iba pa nga relevant units han Kamara.
