NATIONAL NEWS– Magsasalawad hin motion for reconsideration an Kamara de Representantes kasumpay ha nagin desisyon han Korte Suprema nga nagdedeklara nga unconstitutional an impeachment case kontra kan Vice President Sara Duterte ha kaluyo nga nagsunod ine ha aludayday nga ira ginpagawas han nauna na nga desisyon.
Sumala kan House spokesperson Atty. Princess Abante, an desisyon han SC in tarihas ha aludayday nga ginsusunod han bag-o nga iginpagawas nga desisyon han nakalabay nga Biyernes.
Dugang pa ni Abante ha kaluyo hine nagpapabilin an respeto han Kamara ha Korte Suprema, an Kamara mangud in nababaraka mahuman nga makarawat ngan mabasa an desisyon han Korte Suprema kun diin ginpawaray kapas an impeachment complaint nga ginsalawad han Pebrero 5, 2025 kontra kan Vice President Sara Duterte.
Gindig-unan ni Abante nga mahuman an mahugot nga pag-aram, maghahaon hin Motion for Reconsideration an Kamara matungod ha nasabi nga desisyon, nga nagpapahayag ha Articles of Impeachment nga iginpadara ha Senado in barred o unconstitutional.
