TACLOBAN CITY – Gintagan hin kasayuran han Department of Tourism (DOT) Regional Office 8 an rason han temporaryo nga pagpapasara han sikat nga Kalanggaman Island ha Palompon Leyte.
Sumala kan Karen Tiopes, Regional Director han DOT Regional Office 8, an temporaryo pagpapasara han Kalanggaman Island tikang han Hulyo 1 kutob yana nga Hulyo 30 in para ha paglimpyo ngan rehabilitasyon han mao nga isla.
Ha pagsulod han bag-o nga administrasyon ha Palompon Leyte, nakita ha ira gindumara nga full scale assessment ha isla nga damo an mga pasilidad nga kinahanglan nga igpailarom ha rehabilitsayon ngan paghingayad.
An primero nga panuyuan han mao nga rehabilitasyon in agud nga mapaupay pa an isla ngan makaghatag hin mas de kalidad nga eskperyensya para ha mga turista dire la tikang ha rehiyon kundi tikang ha iba nga mga rehiyon ngan gawas han nasud.
