TACLOBAN CITY- Padayon an araba han publiko, magin an mga nagpapakabuhi kasumpay hiton kakulangan hiton pampasaheros nga sarakyan nga nanbibiyahe ha syudad hiton Tacloban.
Sumala kan Leo Bahin, Former City Councilor Tacloban City, kadam-an mangud nga araba hiton manarakay, an punuan ngan dire na nagpapakalingkod nga mga commuters pakadto ha norte nga barangays.
Samtang ha lahin nga bahin, pagkakahibaro han anay konsehal ada ha 65 nga mga modern jeepney an nakatalaan unta nga magbiye para San Jose, kun diin ha pagkayana bisan usa in waray pa may nabiyahe, tungod na gihapon han kamahal hiton pag-purchase han nasabi nga modernized jeepney.
Usa pa nga nakabalaong, an waray insakto nga pondo agud nga makapalit, tungod nga dire pa nairerelease hiton bangko an naka-alutaga nga budget pa hine.
Ginpaangbit pa hine, nga usa gihapon ha iya nakikit-an nga nag-aalang na gihapon an pira na mga drivers and operators mag purchase han nasabi nga modernized jeepney, matungod nga madagmit an mga ine magkaruruba.
Naghatag naman ine hin kasiguraduhan ha commuters nga dire mabaraka, tungod nga naglalaom hiya nga mapapamatian an ira mga araba hiton alkalde han Tacloban.
