TACLOBAN CITY – Kakulangan han mga requirements nga igin sumiter hiton Pintados Foundation ha Business Permit and Licensing Division (BPLD) hiton syudad han Tacloban, an panguna nga rason nga dire an mga ine gintutugutan nga magdumara han ira magkaduru-dilain nga mga aktibidades ha RTR Plaza.
Sumala kan Gemmafiel Gaspay, Head hiton Business Permit and Licensing Division (BPLD) hiton syudad han Tacloban, as long as makag-comply hira in mahatag an ira buhatan hin permit ngan marecommend hira hin approval pakadto naman ha City Mayor nga tagan hira hin permit mahitungod nga nakag-comply naman an mga ine, pero samtang daw dire kompleto an ira mga gin aaro nga resiketos in dire hira mahatag hin permit.
Dugang pa hine, as of June 16 in waray la gihapon an mga ine makakagcomply han ira gin aaro nga requirements. Mayda daw hira ginpapatamakan nga balaud kun diin amu ine iton ira ginsusunod.
An kulang daw nga requirement han mga ine in amu an ordinansa nga nagsisiring o kun nagtutugot nga pwede hira gumamit hiton RTR Plaza kumo business park ngan food stall, mahitungod nga ha balaud daw nga ira ginpapatamakan in mayda didto prohibition nga nakasurat nga dire pwede gamiton an freedom park o RTR Plaza kumo bazaar o food park.
Gindig-unan pa ni Gaspay, ugsa makaghatag hin permit in kinahanglan anay niya hin exemption ordinance nga nagtutugot nga pwede hira gumamit han nasabi nga lugar sanglit dire daw pwede lumikay ha nasabi nga balaud.
